In virtute dei sapiens dominabitur astra,[323]
Totaque consequitur vis orizontis eum:240
Circulus et ciclus, omnis quoque spera suprema
Sub pede sunt hominis quem iuuat ipse deus.
Sol stetit in Gabaon iusto Iosue rogitante,
Nec poterat gressus continuare suos;
Imperio Iosue solis rota non fuit ausa
Currere, set cursus nescia fixa stetit:
Stella quidem natum patefecit nuncia Cristum,
Quo pacem iustis reddidit ipse deus.