Aeream pestem legimus sanasseque sanctum
Gregorium Rome, subueniente prece.250
Diuisit Moyses mare virga percuciente,
Quo poterat populus siccus inire pedes:
Firma fides Petri dum cepit credere Cristi
Verba, viam pedibus prebuit vnda maris:
Propter Heliseum limpharum gurgite mersum
Ferrum transiliit desuper atque redit.
Ignea tres pueros fornax suscepit Hebreos,
Flamma set illesis victa pepercit eis.