Peccantis Cristus vult vitam, nec moriatur,
Set conuertatur, viuat vt ipse deo:
Et nos pro mundi rebus iugulamus in ense,
Quos Cristi sanguis viuere fecit, eos.440
Quas statuit Cristus leges fuerant pietatis,
Nec peciit mundi quid nisi corda sibi;
Non cordis carnem, set quam dileccio mentem
Prestat, et has leges vendicat esse suas:
Nos tamen econtra cum sanguine carnea corda
Poscimus, vt nostra sit magis ira fera.