Est igitur mirum, modo quod discordia cleri
Non se pacificat huius amoris ope.
Litera sacra docet, virtus quod amor placet omnis,
Et non mundanus ambiciosus honor;480
Namque suos mundus dilectores magis arcet,
Et minus in fine commoditatis habent.
In veteri lege nullas habuere Leuite
Terras, nec mundus sollicitauit eos;
Immo deo soli plebis pro pace vacare
Est et non alia sollicitudo sua.