Non est ergo bonum mundanas sumere guerras,
Cum deus est mitis et bona pacis amat.
Hic tractat eciam qualiter non decet prelatos contra populum Cristianum ex impaciencia aliqualiter bella mouere; set tantum ex precibus, deo mediante, absque ire impetu omnem mundi deuincant[377] maliciam.
Capm. viii.
Inuoluens mentem meditando me stupor angit,
Cristi doctrina quam pietosa fuit;490
Omne quod est pacis instruxit regula Cristi,
Quicquid et est belli nostra cupido mouet.
Ponit et opponit racio michi de racione,
Qualiter ex clero bellicus vnus erit.