Non bene conueniunt laicis misteria cleri,
Nec clero laici conuenit arma sequi.
Bella gerant alii, regat et paciencia clerum,
Quique tubis resonant, nos tacuisse decet.
Quo leuius cessit cuiquam victoria belli,
Victoris tanto gloria maior erit.510
Non hiis, qui poterunt ex verbo cuncta ligare,
Expedit vt ponant quomodocumque manus:
Non opus est armis, vbi vox benedicta triumphat;
Qui vincit precibus, est sibi guerra nichil: