Cesar habere statum pape nequit, aut sibi papa
Cesaris imperium non propriare potest.
Cesaris hoc non est vt spiritualia temptet,
Nec decet vt papa Cesaris arma gerat:
Papa suum teneat Cesarque suum, quod vtrique
Iura coequata stent racione rata.
Si sibi presumat Cesar papalia iura,
Hoc non papa sinit, immo resistit ei:610
Ergo quid est bellum pape quod Cesaris extat?
Nam deus ecclesie pacis amator erat.