Set quia papa suis mundum scrutatur in armis,
Inueniet similem quem petit inde modum:
Opponis mundo, mundus respondet, et illam
Quam sibi preponis rem dabit ipse tibi.
Quos prius ecclesia fundauerat ipsa fideles,[385]
Nunc magis impaciens dura per arma necat.
Rusticus agricolam, miles fera bella gerentem,
Rectorem dubie nauita puppis amat:620
Cristus amat pacem, pax vendicat et sibi clerum,
Clerus et ergo suos debet habere pios.