Cristi pauperiem mens nostra perhorret auara,
Ocia ne nostri corporis ipsa premat;
Nec sua cor mulcet humilis paciencia nostrum,[388]
Hoc etenim nostra pompa superba negat:
Nullus nos cinget nisi libera nostra voluntas,
Cuius habet tenera ducere frena caro.
Conditor est iuris qui spernere iura videtur,
Nec tenet ipse vias, quas docet esse suas;690
Crimina condempnat qui crimine primus habetur,
Corripiens alios deteriora facit.