Est apud antiquos ‘hic et hec’ dixisse ‘sacerdos,’
Dicere sic et nos possumus ‘has et eos:’
Hii modo namque sua mundum replent genitura;
Si pietas sit ibi, sunt modo valde pii.
Nox et amor, vinum, nullum moderabile suadent,
Que tria presbiteris sunt modo nota satis.
Stat breuis ordo precum, dum postulat ipse vicissim
Oscula per longas iungere pressa moras,
‘O sacer,’ hec dicens, ‘quam longum tempus ad illud
Vt tua sint collo brachia nexa meo?’1600