Qui vult vxorem seruare sibi modo castam,
Et mundas cameras querit habere suas,
Longius a camera sit presbiter atque columba,
Stercora fundit ea, fundit et ipse stupra.
Sobrius a mensa, de lecto siue pudicus
Consurgit raro presbiter ipse deo:
Cantat in excelsis sua vox agitata tabernis,
Est set in ecclesiis vox taciturna nimis:
Doctus et a vino colit ipse lupanar, et illuc
Exorando diu flectit vtrumque genu.1610