In clero fateor, quos approbat ardua virtus,
Illorum merito gracia maior erit.
Postquam dixit de errore illorum qui inter seculares sacerdocii ministerium sibi assumpserunt, intendit dicere secundum tempus nunc de errore scolarium, qui ecclesie plantule dicuntur.
Capm. xxviii.
Nomine sub cleri cognouimus esse scolares,
Ecclesie plantas quos vocat ipse deus.2050
Orti diuini bonus extat planta scolaris,
Ecclesie fructus que facit esse bonos.
Qui studet in morum causis et non viciorum,
Qui sibi nec mundum computat, immo deum,