Et quia scire scolas acuit mentes fore sanctas,
Scripture studiis se tribuere piis.
Non hos ambicio, non hos amor vrget habendi,
Set studio mores conuenienter eunt:
Hii contemplantes celum terrena negabant,
Causa voluptatis nulla remouit eos:
Hii neque serviciis optabant regis inesse,
Nec foris in plebe nomen habere Rabi:2130
Hos neque precellens superabat comptus inanis
Nec vini luxus, nec mulieris amor: