Pluribus ex causis monachus vitare Lieum
Debet, ex est vna, ne caro stupra petat;
Nec bona confratrum vastet, nec in ebrietate
Desideat, nec eo febricitetur homo.
Attamen ipse nichil curat, quin replet inane
Corpus, et est anime cotidiana fames.
Nunc niueus panis monachis subtileque vinum
Et carnes festa cotidiana parant;
Nunc cocus ecce coquit, assat, gelat atque resoluit,
Et terit et stringit, colat et acta probat.70