Sic nec presentem vitam nec habere futuram
Constat eum, quo bis est miser ipse magis:
Mortuus hac vita moritur, dum morte secunda
Computet amissum tempus vtrumque suum.380
Et quia sic mundo moritur, quod viuus ab illo
Ordinis ex iure gaudia nulla capit,
Et nisi corde deum solum meditetur et inde
Gaudeat, in celo pars sibi nulla manet,
Nescio quis stultus claustrali stulcior extat,
Qui se sic proprio priuat vtroque bono.