Tempus inane perit cui presens vita negauit
Gaudia, nec celum vita secunda tenet.
Hic loquitur qualiter vnusquisque qui religionis ingredi voluerit professionem, cuncta mundi vicia penitus abnegare et anime virtutes adquirere et obseruare tenetur.
Capm. x.
O comites claustri sub religione professi,
Concludam breuibus, quid sit et ad quid onus.390
Informatus ego sanctorum scripta reuolui,
Que magis in vestram sunt memoranda scolam:
Sancta valent verba plus, cum plus sint patefacta;
Vos igitur, monachi, cernite quid sit ibi.