Angelus immo bonus, qui custos interioris
Est hominis, vigili semper amore fauet;10
Et licet exterius corpus sopor occupet, ille
Visitat interius mentis et auget opem;
Sepeque sompnifero monstrat prenostica visu,
Quo magis in causis tempora noscat homo.
Hinc puto que vidi quod sompnia tempore noctis
Signa rei certe commemoranda ferunt.
Visio qualis erat, quo tempore, cuius et anno
Regis, in hiis scriptis singula scire potes.