IV. Off Reidaris, and of the Greis, off Tyme, and Studye.[468]
THE FIRST GRIE.
SECOND DEGRIE.
Item, In the first College, and in the first classe, shallbe ane Reidar of Dealectique,[469] wha shall accomplische his course thairof in one yeare. In the Mathematique,[469] whiche is the secound classe, shalbe ane Reidar who shall compleit his course of Arithmetique,[469] Geometrie, Cosmographie, and Astrologie, in ane yeare. In the third classe, shalbe are Reidar of Naturall Philosophie, who shall compleit his course in a yeare. And wha efter thir thre yearis, by tryell and examinatioun, shall be fund sufficientlie instructit in thir aforesaid sciences, shall be Laureat and Graduat in Philosophie. In the fourt classe, shall be ane Reidar of Medicine, who shall compleit his course in five years: after the study of the whiche tyme, being by examinatioun fund sufficient, thei shall be graduat in Medicine.
THIRD DEGRIE
Item, In the Secound Colledge, in the first classe, one Reader onlie in the Ethicques, Œconomicques, and Politiques, who shall compleit his course in the space of one yeare. In the secound classe, shall be tuo Reidaris in the Municipall and Romane Lawis, who sall compleit thair coursses in four yeares; after the whiche tyme, being by examinatioun fund sufficient, thei shalbe graduat in the Lawis.
FOURTH DEGRIE.
Item, In the third Colledge, in the first classe, ane Reidar of the Hebreu, and ane uther of the Greek toung, wha sail compleit the grammeris thairof in half ane yeare,[470] and the remanent of the yeare, the Reidar of the Hebreu shall interpreit ane booke of Moses, the[471] Propheitis, or the Psalmes; sa that his course and classe shall continew ane yeare. The Reidar of the Greek shall interpreit some booke of Plato, togidder with some place of the New Testament. And in the secound classe, shalbe tuo Reideris in Divinitie, that ane in the New Testament, that uthir in the Auld, who sall compleit thair course in five yearis. After whiche tyme, who sall be fund by examinatioun sufficient shall be graduat in Divinitie.
Item, We think expedient that nane be admittit unto the first Colledge, and to be Suppostis of the Universitie, onles he have frome the Maister of the Schole, and the Minister of the toun whair he was instructed in the toungis, ane testimoniall of his learnyng, docilitie, aige, and parentage; and likewayis triall to be tane[472] be certan Examinatouris, deput be the Rectour and Principallis of the same, and yf he be fund sufficientlie instructit in Dialectick,[473] he shall incontinent, that same yeare, be promoted to the classe of Mathematicque.
Item, That nane be admittit to the classe of the Medicine bot he that shall have his testimoniall of his tyme weall spent in Dialecticque, Mathematique, and Phisicque, and of his docilitie in the last.