Item, That everie Universitie have ane Beddale subject to serve at all tymes throuchout the whole Universitie, as the Rectour and Principallis shall command.
Item, That everie Universitie have ane Rectour chosin from yeare to yeare as shall follow. The Principallis being convened with the haill Regentis chaptourlie, shall be sworne, that everie man in his roume shall nominat suche one as his conscience shall testifie to be maist sufficient to beare suche charge and dignitie; and thre of them that shalbe oftest nominat shalbe put in edict publictlie, fiftene dayis afore Michaelmess; and then shall on Michaelmess Evin convene the hoill Principallis, Regentis, and Suppostis that ar graduat, or at the least studyit thair tyme in Ethiques, Œconomiques, and Pollitiques, and na utheris youngare; and everie natioun, first protestand in[481] Goddis presence to follow the sinceir ditement of thair consciences, shall nominat ane of the said thre; and he that hes monyest votis shall be confermit be the Superintendent and Principall, and his dewitie with ane exhortatioun proponed unto him: And this to be the 28 day of September; and thairefter aithis to be takin,[482] hinc inde, off his just and godlie governement, and of the remanentis lauchfull submissioun and obedience. He shall be propyned[483] to the Universitie at his entre, with ane new garment, bearing Insignia Magistratus; and be halden monethlie to visie everie Colledge,[484] and with his presence decore and examyn the lectionis and exercitioun thairof. His assessoris shalbe ane laweir and ane theolog, with whois advise he shall decide all questionis civill, betwix the memberis of the Universitie. Yf ony without the Universitie persew ane member thairof, or be persewit be ane member of the samin, he shall assist the Provest and Baillies in thei casses, or uthir judgeis competent, to see justice be ministred. In likewise, yf ony of the Universitie be criminallie persewit, he shall assist the Judgeis competent, and se that justice be ministred.
SUMMA OF BURSARIS IN THE THRE UNIVERSITEIS.
Item, We think it expedient, that in everie Colledge in everie Universitie, thair be twenty-four bursaris,[485] divided equalie in all the classes and seigeis, as is above exprimit: that is, in Sanctandrois, seventie-tua bursaris; in Glasgou, fourtye-eyght bursaris; in Abirdene, fourty-eyght; to be sustened onlie in meit upon the chargeis of the Colledge; and be admitted at the examinatioun of the Ministerie and chaptour of Principallis in the Universitie, alsweill in docilitie of the personis offerit, as of the habillitie of thair parentis to sustene thame thair selvis, and nocht to burding the Common-wealth with thame.
V. Off Stipendis and Expensses necessarie.
Item, We think expedient, that the Universiteis be doted with temporall landis, with rentis and revenewis of the Bischopriks temporalitie, and of the Kirkis Collegiat, sa far as thair ordinarie chargeis shall require; and thairfore, that it wald please your Honouris, be advise of your Honouris Counsall and voit of Parliament, to do the samin. And to the effect the same may be schortlie expediat, we have recollected the soumes we think necessarie for the samin.
Imprimis, For the ordinarie Stipend of the Dialecticiane Reidar, the Mathematiciane, Phisitiane, and Morall Philosophie, we think sufficient ane hundreth pundis for everie ane of thame.
Item, For the Stipend of everie Reader in Medicine and Lawis, ane hundreth threttie thre pundis, vi s. viij d.
Item, To everie Reidar in Hebrew, Greik, and Divinitie, twa hundreth pundis.
Item, To everie Principall of a Colledge, ij lb.