And, as I stode and kyste[317] asyde my syghte,
Dysdayne I sawe with Dyssymulacyon
Standynge in sadde communicacion. 420
But there was poyntynge and noddynge with the hede,
And many wordes sayde in secrete wyse;
They wandred ay, and stode styll in no stede:
Me thoughte, alwaye Dyscymular dyde deuyse;
Me passynge sore myne herte than gan agryse,[318]
I dempte and drede theyr talkynge was not good.
Anone Dyscymular came where I stode.