Than in his hode I sawe there faces tweyne;
That one was lene and lyke a pyned goost,
That other loked as he wolde me haue[319] slayne; 430
And to me warde as he gan for to coost,
Whan that he was euen at me almoost,
I sawe a knyfe hyd in his one sleue,
Wheron was wryten this worde, Myscheue.
And in his other sleue, me thought, I sawe
A spone of golde, full of hony swete,
To fede a fole, and for to preue a dawe;[320]