ob er mir helfen welle den küenen Sīfriden klagen.’
Dō lief ein bote balde da ẹr si ligen vant,
die Sīfrides helede von Nibelunge lant.
mit den vil leiden mæren ir vreude er in benam.
si wolden’ȥ niht gelouben unz man daȥ weinen vernam.
Der bote kom ouch schiere dā der künic lac.
Sigemunt der herre des slāfes niht enpflac:
ich wæn’ sīn herze im sagete daȥ im was geschehen,
ern möhte sīnen lieben sun lebenden nimmer gesehen.
‘Wachet, herre Sigemunt. mich bat nāch iu gān