‘owē mir mīnes leides! nu ist dir dīn schilt
mit swerten niht verhouwen: du līst [ermorderōt].
unt wesse ich wer iȥ het getān, ich riete im immer sīnen tōt.’
Alleȥ ir gesinde klagete und scrē
mit ir lieben vrouwen, wand’ in was harte wē
umb’ ir vil edelen herren, den si dā heten verlorn.
dō het gerochen Hagene harte Prünhilde zorn.
Dō sprach diu jāmerhafte: ‘ir sult hine gān
und wecket harte balde die Sīfrides man.
ir sult ouch Sigemunde mīnen jāmer sagen,