die vil arme wāren, die wurden rīche genuoc.
Swaȥ man vant der armen die es niht mohten hān,
die hieȥ man doch zem opfer mit dem golde gān
ūȥ sīn selbes kamere. do ẹr niht solde leben,
umbe sīne sēle wart manic tūsent marc gegeben.
Urbor ūf der erden teilte s’in diu lant,
swā sō man diu klōster und guote liute vant.
silber unde wæte gap man den armen gnuoc.
si tet dem wol gelīche daȥ sim holden willen truoc.
An dem dritten morgen ze rehter messezīt