die sīn ungern enbāren, die sah man weinen unde klagen.
Vil lūte scrīende daȥ liut gie mit im dan:
vrō enwas dā niemen, weder wīp noch man.
ē daȥ man in begrüebe, man sanc unde las:
hey waȥ guoter pfaffen ze sīner pīfilde was!
Ē daȥ zem grabe kœme daȥ Sīfrides wīp,
dō ranc mit solhem jāmer der ir getriuwer līp,
daȥ man si mit dem brunnen vil dicke dā vergōȥ.
eȥ was ir ungemüete vil harte unmæȥlīchen grōȥ.
Eȥ was ein michel wunder daȥ si ie genas.