An oder cause ther is and that is noo lees
For she beerith booth sewet and pure greece
¶ yit wolde I mayster quod the man fayne witt more
Where lyth the suet of the haare be hynde or befoore
Ouer the loyne quod the mayster of iche haare thow take
By twix the tayle and the chyne euen oon the backe
¶ yit wolde I mayster quod the man thees at the leer
What thow walkest in the felde with thy lymeer
Ther as an hert pasturred hath: or yt thow hym se
To knawe faatt or lene whether that he be