¶ Off dyuerse and meruelus Cheuerons yit I wiƚƚ speke.
More ouer yit ī theys signys of Cheuerons other while is fownde a dowte in the blasyng of theym. when thei be made of dyuerse colowris transmutit as here in this scochon apperith. And of hym the wych beris thes armys ye shaƚƚ say in latyn. ¶ Portat arma quarteriata de nigro & argento cum vno signo capitali de dictis coloribus transmutatis. Gallice sic. Il port quarterlee de sable & dargent & vng Cheueron chaungee lung de laultre. Anglice sic. ¶ He berith quarterly Sable and Siluer with a Cheueron of the sayd colowris transmutit.
Off Cheuerons differyng on the longe way.
Also theys signes or Cheuerons be differit after the long way in armys as here in this figure apperith. And then of hym the wich beris theys armys ye shaƚƚ say in latī. ¶ Portat arma partita secūdū lōgū de coloribus aureo & rubeo cum vno signo capitali de dictis coloribus transmutatis. Gallice sic. Il port partie du long de dor & gowlez vng cheueron chaunge lung de laultre. Anglice sic. ¶ He berith party afṫ the longe way of .ij colouris golde and goules with a Cheueron of sayd colowris transmutit.
¶ Off dowtis emong herroddis ī blasyng theys armys suyng
Emong othyr dowtis: a bowte the blasyng of tharmis here folowyng now next I haue herde herroddys pretendyng theym selfe veri conȳng in blasyng of armys meruelusli to dreeme in the blasyng of theys armys. And sum holde oon opynyon and sum an othyr. neuer the les it is no grete neede to dowte in the blasyng of theym as to conyng men. Thefore of hym yt beris thes armys ye shaƚƚ say ī latyn. Portat duas ꝑtes capitis scuti de rubio & ṫciam ꝑtem de albo ad modum signi capitalis et tres rosas de coloribus transmutatis. Et gallice sic. ¶ Il port lez deux ꝑties du chief de gowlez et le troisune dargent ꝑtiez en manere du cheueron̄ et trois roses lung de laultre. Anglice sic. He berith .ij partis of the heede of the shelde gowles and the thride ꝑte Siluer by the maner of a cheueron and .iij. roses of the same colowris transmutit.