Off .iij. Cronys borne in the Corneris of the shelde.
Certanly theys: iij cronys be borne ī the most comyn way in the corneris of the shelde as here in thys scochon it apperith And then ye most thus say that thes .iij signes be borne in the corneris of the shelde. for that is the most comune & the moost famust maner of beryng of thes .iij signes or ani maner signes Therfore ye shaƚƚ say that sych a lorde berith ī latyn in thys wise as here folowys. ¶ Portat de asorio et tres coronas aureas. non expremendo loca. Et gallice sic. ¶ Il port dasor et trois corones dor. Et anglice sic. ¶ He berith asure and .iij crownys of golde.
¶ Off fisħys borne in armys in dyu̇se wyse here is a dectrine
A new dowte yit is founde in armys. for as mych as ther was a certan man that heght Petrus de rupibus in tyme passit the bisshop of Wyṅchester: the wich baar ī his armys iij Rochys after hys awne naam in wich armys it is dowtit. whether it is enogh to say in the blasyng of them: that he bare sych iij fisħys allone. as here in thys scochon. And certanly I thynke nay. for the rule goyng a fore. Bot it is thus to be sayd: of the sayd Petur in latyn. ¶ Portauit tres huiusmodi pisces argenteos natantes in campo nigro. Et gallice sic. ¶ Il port de Sable et trois Rochez nāyantz dargent. Et anglice sic. ¶ He berith Sable and iij Roches swymmyng of Siluer.
¶ And then to tharmys of Galfride lucy as here now apperis ī this figure And ye most say yt he bare thus in latyn. ¶ Portauit tres lucios aureos in campo rubeo. Et gallice sic. ¶ Il port de gowlez et trois lucez dor. Anglice sic. ¶ He berith gowles and iij luces of golde. the wich certan blasyng with owte declaracion here is enogh. for the sayd fishes ar in thare propur placis as I sayd in the rule afore.
Bot what shaƚƚ be sayd of thys man then: the wich beris .ij. barbellis turnyng theyr backys to geder as here apperis. Ye most say in latyn thꝰ ¶ Portat duos barbillos aureos adinuicem ṫga vertentes in scuto asorio puluerisato cū crucibus cruciatis figitiuis de auro. Et gallice sic. Il port dasor poudree dez croys crocelez fichez et deux barbulx dors an dors dor. Et anglice sic. ¶ He berith asure powderit with crossis croslettys pycche and .ij. barbellis of golde backe to backe.