Then the loynes of the hare loke ye not forgete
Bot bryng hem to the kechyn for the lordis meete
And of this ilke hare speke we no mare.
Wiche beestes shall be flaẏne & wich stripte
¶ Now to speke of the bestes when thay be slayne
How many be strypte and how many be flayne
Aƚƚ that bere skyne and talow and Rounge leue me
Shaƚƚ be flayne safe the hare for he shaƚƚ stripte be
And aƚƚ that berith greece: and piles ther vppon
Euer shaƚƚ be strypte when thay be vndoon