¶ And ye speke of the Bucke the fyrst yere he is
A fawne sowkyng on his dam say as I yow wis
The secunde yere a preket. the .iij. yere a sowreƚƚ
A sowre at the .iiij. yere the trowthe I yow teƚƚ
The .v. yere caƚƚ hym a Bucke of the fyrst hede
The .vi. yere caƚƚ hym a Bucke and do as I you rede
Of the hornẏs of a Bucke.
¶ The hornys of a grete Bucke or he so be
Most be summyd as I say herkenyth to me
Too braunchis first pawmyd he most haue