Qui patria exegit, patriam qui subruit, hostis
Pendula captivos sumere plectra jubet:
Imperat et lætos, mediis in fletibus, hymnos,
Quosque Sion cecinit, nunc taciturna! modos.
Ergone pacta Deo peregrinæ barbita genti
Fas erit, et sacras prostituisse lyras?
Ante meo, Solyme, quam tu de pectore cedas,
Nesciat Hebræam tangere dextra chelyn.
Te nisi tollat ovans unam super omnia, lingua
Faucibus hærescat sidere tacta meis.