Musa loci, nemoris Siren, innoxia Siren;
Et prope succedens stetit abdita frondibus, altè
Accipiens sonitum, secumque remurmurat, et quos
Ille modos variat digitis, hæc gutture reddit.
Sensit se fidicen philomela imitante referri,
Et placuit ludum volucri dare; plenius ergo
Explorat citharam, tentamentumque futuræ
Præbeat ut pugnæ, percurrit protinus omnes
Impulsu pernice fides. Nec segnius illa
Mille per excurrens variæ discrimina vocis,