Venturi specimen præfert argutula cantûs.
Tunc fidicen per fila movens trepidantia dextram,
Nunc contemnenti similis diverberat ungue,
Depectitque pari chordas et simplice ductu:
Nunc carptim replicat, digitisque micantibus urget,
Fila minutatim, celerique repercutit ictu.
Mox silet. Illa modis totidem respondet, et artem
Arte refert. Nunc, ceu rudis aut incerta canendi,
Projicit in longum, nulloque plicatile flexu,
Carmen init simili serie, jugique tenore