Præbet iter liquidum labenti e pectore voci:
Nunc cæsim variat, modulisque canora minutis
Delibrat vocem, tremuloque reciprocat ore.
Miratur fidicen parvis è faucibus ire
Tam varium, tam dulce melos: majoraque tentans,
Alternat mira arte fides; dum torquet acutas
Inciditque, graves operoso verbere pulsat,
Permiscetque simul certantia rauca sonoris;
Ceu resides in bella viros clangore lacessat.
Hoc etiam philomela canit: dumque ore liquenti