Vibrat acuta sonum, modulisque interplicat æquis;
Ex inopinato gravis intonat, et leve murmur
Turbinat introrsus, alternantique sonore,
Clarat et infuscat, ceu martia classica pulset.
Scilicet erubuit fidicen, iraque calente,
Aut non hoc, inquit, referes, citharistia sylvæ,
Aut fractâ cedam citharâ. Nec plura locutus,
Non imitabilibus plectrum concentibus urget.
Namque manu per fila volat, simul hos, simul illos
Explorat numeros, chordâque laborat in omni;