Occultus dumo, latebrisque moratur in illis.
Improbus hæc audivit Amor, lepidumque cachinnum
Attollens, poterantne etiam tua numina falli?
Hinc, quæso, bone Phœbe, tuam dignosce sororem,
Et melius venerare meam. Tua Cynthia longè,
Mæandri ad ripas, aut summi in vertice Latmi,
Versatur; nostra est soror hæc, nostra, inquit, amica est.
Hæc nostros promit calamos, arcumque sonantem
Incurvat, Tamumque colens, placidosque recessus
Lucorum, quos alma quies sacravit amori.