quod inane esset, etiamsi verum esset, non verum esse. L. Terentium discessisse ex Africa scimus Paestumque venisse. Quid is adferat aut quo modo exierit, aut quid in Africa fiat, scire velim. Dicitur enim per Nasidium emissus esse. Id quale sit, velim, si inveneris, ad me scribas. De HS X, ut scribis, faciam. Vale.
XVII Kal. Quinctiles.
XVIII
CICERO ATTICO SAL.
Scr. Brundisi XII K. Quint. a 707
De illius Alexandrea discessu nihil adhuc rumoris, contraque opinio valde esse impeditum. Itaqae nec mitto, ut constitueram, Ciceronem, et te rogo, ut me hinc expedias. Quodvis enim supplicium levius est hac permansione. Hac de re et ad Antonium scripsi et ad Balbum et ad Oppium. Sive enim bellum in Italia futurum est, sive classibus utetur, hic esse me minime convenit; quorum fortasse utrumque erit, alterum certe. Intellexi omnino ex Oppi sermone, quem tu mihi scripsisti, quae istorum ira esset, sed, ut eam flectas, te rogo. Nihil omnino iam exspecto nisi miserum, sed hoc perditius, in quo nunc sum, fieri nihil potest. Quare et cum Antonio loquare velim et cum istis et rem, ut poteris, expedias et mihi quam primum de omnibus rebus rescribas. Vale.
XII Kal. Quinctil.
though it would not have been of any importance, if it had been true. I hear L. Terentius has left Africa and come to Paestum. What news he brings, or how he got out, or what is happening in Africa, I should like to know. For he is said to have been passed out through the agency of Nasidius. What it all means, I wish you would write and tell me, if you find out. I will do as you say about the 80 guineas.[192] Farewell.