An’ Tiger was layin’ down in de hall middle, an’ all de chil’ren an’ de wife, dem all upon house-top. Anansi have six chil’ren. De chil’ one of dem, says he hungry. As de chil’ say he hungry, Anansi shove down dat chil’ t’ Brar Tiger. Tiger swallow him. Anodder cry out hungry again; Anansi shove him down, Tiger swallow him. Anodder one cry hungry again; Anansi shove him down gi’ Tiger, Tiger swallow him. Deh’s t’ree gone. Him was deh again till anodder one cry hungry; Anansi shove him down to Tiger, Tiger swallow him. For a good time again de odder one cry out hungry; Anansi shove him down gi’ Tiger, Tiger swallow him. Good time again, de las’ chil’ lef’, him cry hungry. Anansi shove him down gi’ Tiger, Tiger swallow him. Lef’ him an’ him wife, two single, now. Anansi fell in sleep. De wife tak needle an’ t’read an’ sew Anansi trouser-foot upon her frock-tail. When Anansi wake out of sleep, him wife cry hungry now. Anansi shove down him wife to give Tiger. De woman frock-tail sew up on Anansi trouser-foot an’ ketch him up back. An’ de lady was deh for a good time until him cry hungry again an’ Anansi shove him down gi’ Tiger an’ Tiger swallow Mrs. Anansi.
Anansi was deh on de house-top until he feel hungry now. An’ says to Tiger, “Brar Tiger, you know what you do? I’s a man dat’s so fat, if I drop on de bare eart’ I’s goin’ to mash up; so if you want me to eat, you want to cut a whole heap a dry trash.” An’ Tiger went an’ cut a whole heap a dry trash an’ carried de dry trash come an’ he t’rown de dry trash.
Anansi said to Tiger, “Brar Tiger, ketch, ketch, ketch, comin’ down!” An’ Anansi let himself off of de house-top an’ drop in de trash, an’ Tiger was upon hard sarchin’ an’ couldn’t fin’ Anansi until t’-day!
Jack man dora, choose none! [[11]]
[2] The misunderstood warning is inserted from another narrator. [↑]
6. Tiger’s Breakfast. [[Note]]
Richard Morgan, Santa Cruz Mountains.