One day, Hanansi go Tiger house an’ eat breakfas’ every day, an’ tell Tiger, say, “Brar Tiger, to-morrow you mus’ come a my house; but when you hear me makin’ noise you mus’ come, for dat time breakfas’ is on, but when you hear me stay still you mustn’t come at all.” So when Tiger go, Hanansi eat done. And say, “Brar Tiger, you foot short!” Tiger say, “No, me no hear you mak noise!” Hanansi say, “No, so me said, for when man makin’ noise he kyan’ eat.” An’ say, “Well, nex’ day come back.” When Tiger come, Hanansi tak shame, gi’ him little breakfas’ but say, “Brar Tiger, when we go fe eat, when I say ‘Nyammy nyammy nyammy’ you mus’ say, ‘Nyam a wha’ eat’.”[1] So Hanansi stay deh eat everyt’ing, Tiger never get one.

Tiger study fe him. Nex’ day he go to Tiger yard. When Tiger gi’ him breakfast an’ gi’ him enough meat he said to Tiger, “Brar Tiger, a whe’ you get meat every day so?” Tiger said, “You know how me come by dis meat? When I see a cow lie down, I go up an’ run me han’ inside of de cow an’ hol’ de man tripe, so I never out of meat.” So Hanansi went his way an’ do de same. De cow frighten on de hill-side an’ turn head right down to lowland. Hanansi say, “Do, Brar Cow, don’t shut up me han’!” Cow fasten de han’ de better an’ gallop right down de hill an’ drag Hanansi over de stone. Dat’s de reason let you see Hanansi belly white.

[1] This means, “Eat, eat, eat”;—“Don’t want anything to eat.” [↑]

[[Contents]]

7. Eggs and Scorpions. [[Note]]

William Forbes, Dry River, Cock-pit country.

Blinkie[1] an’ Anansi was gwine in a wood. Dem gwine in a wood fe go look egg, bird egg. An’ Anansi tell Blinkie when little bird say, “Who wan’ little egg?” Blinkie fe say him want little egg, an’ when de big bird say, “Who wan’ big egg?” Anansi say, “Me wan’ big egg!” An’ in de night when he get all de big egg, Blinkie get vex’ an’ lef’ Anansi in de bush an’ him fly away wid de light.

An’ Anansi come a Tiger house in a night. Tiger had a sheep in yard. Anansi say, “Brar Tiger, if you gi’ me dinner fe eat t’-night, I gi’ you all de egg.” An’ Tiger say yes, an’ Tiger go to de sheep an’ say, “Lay out, lay out, sheep!” He lay out roas’ fowl, roas’ duck, an’ all sort a t’ings. Anansi get at it. [[12]]

When he eat, say want to sleep Tiger house. Tiger set ’corpion roun’ de egg. When Anansi put han’ in to tak de egg, ’corpion bite him. An’ holla, “Aye-e-e!” Tiger say, “Brar Anansi, wha’ ha’ you?” An’ say, “Me t’ree litt’e pickney an’ me wife mak me a cry!” Den, when Tiger gone t’ bed, he t’ief away de sheep.