b. Anansi plays baby. (3)
Richard Morgan, Santa Cruz Mountains.
Der is a man livin’ at a town for eight years, nobody know his name. Hanansi say, “Ma tek off me trousers, put on me long shirt, kyar’ me go a man yard, let him nurse me till you come home from ground.” De baby stay good all de while. When he see h’ mudder comin’ home, de baby creep, cryin’, go to his mudder. [[120]]De man went to tek him back, said, “What kind of baby dis count fe, he see he mudder he start to cry?” Meanwhile he go to tek de baby an’ saw de shirt jump up in de back. Him ’toop down, him peep, him knock him han’. “Mercy, me Lord! what kind of a baby got such long hair on him so, poor me, Tom Goody!” Den de baby gwine to his mudder cryin’ “Tommy Goody!” So from dat day, de whole town fin’ out de man dat he name Tommy Goody.
93. Anansi and Mr. Able. [[Note]]
Thomas White, Maroon Town.
Able have two daughter an’ dey was pretty young women. Anansi hear about dese two women, did want dem for wife, didn’t know what way he was to get dem. Able is a man couldn’t bear to hear no one call him name; for jus’ as he hear him name call, him get disturb all to kill himself. So Anansi get two ripe plantain an’ give de young women de two ripe plantain, an’ dey tek de two ripe plantain from Anansi an’ dey eat de two ripe plantain. Das de only way Anansi can get dese two young women.
An’ Able nebber know ’bout it until one day Mr. Able deh at him house an’ him hear de voice of a singin’,—
“Brar Able o, me ruin[1] o
Me plant gone!”