Fait et signe en la ville dabbeville par moi maistre de la grant garde Robe cy dessus nomme le xiij jour doctobre lan mil iiiij cens quatorze.
Signé, Andrew de Wyndesore.
(b) Inventaire des acoustremens de drap dor velour Cramoisy et autres Draps aportez dAngleterre a la venue de la Royne pour le service de la dite Dame tant a sa lictiere chevaulx de portement aubins et hacqunees Couvertures de chariotz et accoustremens de chevaulx qui servent [?] a les mener ainsi quil sensuit et premierement.
Le drap et acoutrement du cheval de portement fait a broderie dun drap dor tres riche.
Sellerie.
Plus xii selles de drap dor faictes a broderie pour servire a xii aubins avec tous harnois completz de semblable drap et pareur [parure].
Item xii autres selles semblablement de drap dor pour servire comme desous avec douze harnois completz de semblable drap et pareur.
Item plus une xiie autres selles de velours cramoisy pour servire comme les precedents avec les harnois completz de semblable drap et pareur.
Chariotz et Lictiere.
Une belle lictiere couverte de drap dor a fleurs de lis de broderie que deux grans chevaulx portent acoustrez tant de selles que harnois y servant tout completz couvert de semblable drap et dedans la lictiere y a quatre grans carreaulx couvert de pareil drap dor et sur le dehors est icelle lictiere couverte dung drap descarlate dAngleterre.