Plus ung beau chariot branlant couvert de drap dor frize a frange dor tout le tour du dit chariot et dedans quatre grans carreaulx couverte de mesme drap et y a une couverte descarlate pour metre sur le dehors du dit chariot.
Pour mener lequel chariot y a lacoustrement complet de six chevaulx dont les troys ont selles. Le tout couvert de semblable drap dor et pareur.
Item y a ung autre beau chariot couvert de drap dor a fleurs de litz de broderie frange de franges dor tout le tour et dedans y a quatre carreaulx couvers de semblable drap avec une couverture descarlate pour le dehors comme au precedant.
Pour mener lequel chariot y sont autres six acoustremens de chevaulx dont le trois ont pareillement selles le tout couvert de semblable drap et pareur.
Item plus y a ung autre chariot couvert de velours camoisy frange tout le tour de frange dor et dedans quatre carreaulx de semblable velours cramoisy couvert. il n'y a pour le dehor qune toille cirée pour le couvrir.
Pour conduire lequel chariot y a lacoustrement de six autres chevaulx tout complet dont les trois ont selles tous couvers du mesme velours cramoisy et semblable pareur.
Fait a Abbeville le douziesme jour doctobre lan mil cinq cens quatorze.
Signé, Filleul.
Chevaulx.
Plus y a dix sept hacquenees pour le service de la dite dame toutes couvertes de couvertures dont les quinze sont toutes blanches et deux de gris plus [?] salle [?] les quelles ont este amenee dAngleterre.