Article I. Nīni īsa a húkum. Amayka adŭn ŭttuntūta a duwa a taw atawa i yā tīgu sakataw tamúkku inín yā manŭm tīgu sakataw tamúkku inín, i yā bŭnárŭn su ŭppákakámal kanu tamuk sarta ŭssápanin. Amáyka silandŭn a duwa kataw ŭppákakámal kanu tamuk sapan silan a duwa kataw; amayka ŭssápa silan a duwa kataw bādŭn sakanīlan su tamuk sapapagíssanŭn. Amayka yā bu ŭssápa su sakataw yā bu makákwa kanu tamuk su ūssápa salkanín su tamuk. Hatta wal-Lāhu ālam.
Article II. Nīni īsa a húkum. Anūnu sumŭ´mbay su īsa a taw kanu pŭdin ŭnggu dŭn mádadag su sinŭmbayan, báliwanan dŭn kanu háraganin. Píssan rinámpas su sinŭ´mbayan ū kanu sinumŭ´mbay báliwanan dŭn kanu háraganin ŭnggu úmanan sa ŭndáwi (ndáwi) kapatúta kaúmanun kanu tamuk ū nádadag. Hatta tamat al-Lāhu ālam.
Article III. Nīni īsa a húkum. Anúnu sumŭ´mbay su īsa ataw kanu pŭdin sapárati pātuk atawa tambūku ŭnggu dŭn matŭpŭd su pātukatawa mágbang atawa mádagag su tambūku, amayka yā katŭpŭdu pātuk atawa yā, kakbángu pātuk atawa yā kadádagu tambūku su átagu kina-sŭ´mbayninún ŭnggu dikna táksir su sinumŭ´mbay dīli kabáliwanán su sinŭmbayan. Amayka sin itímbas su Pātuk sa átaga īg atawa sin itímbas kanu sápun a tamlang ŭndu dīli íktan su pātuk ŭnggu dŭn mádadag dīsadíli baliwanan dŭnu sinumŭmbay su sinŭmbaynin. Tamat wal-Lāhu ālam.
Article IV. Nīni īsa a húkum. Anūnu malīdu duwa kataw i yā, tīgu sakataw su utángku nábayadángku dŭn, i yā manŭm tīgu sakataw dālaka makabáyad, amayka dāla sáksi nu duwa kataw bŭnárŭn su panúntut sarta ŭssápanin; amayka dīli ŭssápa, i yā bŭnárŭn su pudtuntūtan. Tamat wal-Lāhu ālam.
Article V. Nīni īsa a húkum. Anūnu itágunu īsa ataw su tamukin kanu púdin, máwli nggū dūn kuwánu (kwánu) tinumágu su tamukin, i yā tīgu tinágwan kinwānŭngka dŭn atawa yā nin tīg nádadag, amayka dāla saksi nilan a duwa kataw yā bŭnár su tinágwan sarta ŭssápanin. Tamat wal-Lāhu ālam.
Article VI. Nīni īsa a húkum. Anūnu su támuku taw a nadagag sábap sa natágakin nggū dŭn matūnu īsa a taw nggū nin dŭn itábun, mawli nggū dŭn maylaynu ŭgkwān kanu támuk i yā nin tīg támuku inín a natagákku, i yā tīgu nakatūn dikna nŭngka tamuk dan dŭn a tamuku; amayka adŭn saksi kanu tamuk a natūn a dikna tamuk a dan dŭn sabap sa támuk a natūn, yūli su tamuk sarta úmanan su ŭndáwi kapatútin, īsa a dúdan atawa duwa a dúdan. Tamat wal-Lāhu ālam.
Article VII. Nīni īsa a húkum. Anūnu rinámpas su támuku taw wájib i yūlinu rinumámpas sarta úmanan sa kīira kīranu gúnanin kanu kínarámpasun. Tamat wal-Lāhu ālam.
Article VIII. Nīni īsa a húkum. Anūnu mánik su taw kanu walaynu salakáw sálkanin a dikna kiyúgu ŭgkwān kanu walay ŭnggū dŭn malipungŭ′t su gkwān kanu walay, amayka mágabi masála su minánik sa pāta dúdan. Tamat wal-Lāhu ālam.