E ad ceinte sa espée: li pons fud d'or mer.
Dux i out e dermeines e baruns e chevalers.
Li emperères reguardet la reine sa muillers.
Ele fut ben corunée al plus bel e as meuz.
Il la prist par le poin desuz un oliver,
De sa pleine parole la prist à reisuner:
"Dame, véistes unkes hume nul de desuz ceil
Tant ben séist espée no la corone el chef!
Uncore cunquerrei-jo citez ot mun espeez."
Cele ne fud pas sage, folement respondeit: