Quæ caput a cœli regionibus ostendebat,
Horribili super aspectu mortalibus instans;
Primum Graius homo mortales tendere contra
Est oculos ausus, primusque obsistere contra;
Quem neque fama deûm nec fulmina nec minitanti
Murmure compressit cœlum, sed eo magis acrem
Irritât animi virtutem, effringere ut arcta
Naturæ primus portarum claustra cupiret.
Ergo vivida vis animi pervicit et extra
Processit longe flammantia mœnia mondi,