Cumque lacessitus Roluonis classe fuisset,
Egestum cistis aurum deferre ministros
Iussit, et in primas urbis diffundere portas.
Dona magis quam bella parans, quia militis expers
Munere, non armis, tentandum credidit hostem;
Tanquam opibus solis bellum gesturus, et usu
Rerum, non hominum, Martem producere posset.
Ergo graues loculos et ditia claustra resoluit
Armillas teretes et onustas protulit arcas,
Exitii fomenta sui, ditissimus æris,