At nos, qui regem uoto meliore ueremur,
Iungamus cuneos stabiles, tutisque phalangem
Ordinibus mensi, qua rex præcepit, eamus
Qui natum Bøki Røricum strauit auari,
Implicuitque uirum leto uirtute carentem.
Ille quidem præstans opibus, habituque fruendi
Pauper erat, probitate minus quam fœnore pollens;
Aurum militia potius ratus, omnia lucro
Posthabuit, laudisque carens congessit aceruos
Æris, et ingenuis uti contempsit amicis.