(Ex Libro cui Titulus “Bodleiomnema; seu, Carmina et Orationes in Obitum ejus.” Oxon. 1613. 4to.)
Obrue Bodleium saxis, prosterne colossis,
Adde libros oneri, dimidiasque scholas,
Aut lacrymis manes lassa, aut ululante papyro,
Quæ solet afflictis incubuisse rogis;
Non tamen efficies, quin summo in culmine victor
Imperet, et molem perforet ille suam;
Nam famæ cedunt lapides, et tecta sepulchris
Dum memorant dominos hæc monumenta suos.