Has en primitias nostrae, Pater, accipe mortis;
Vitam ex quo sumpsi, vivere dedidici.
Ira, Pater, tua de pluvia gustaverit ista:
Olim ibit fluviis hoc latus omne suis.
Tunc sitiat licet et sitiat, bibet et bibet usque:
Tunc poterit toto fonte superba frui.
Nunc hastae interea possit praeludere culter:
Indolis in poenas spes erit ista meae.[59]
XCIV.
In Epiphaniam Domini. Matt. ii. 2.
Non solita contenta dies face lucis Eoae,
Ecce micat radiis caesariata novis.
Persa sagax, propera: discurre per ardua regum
Tecta, per auratas marmoreasque domus:
Quaere ô, quae intepuit Reginae purpura partu;
Principe vagitu quae domus insonuit.
Audin' Persa sagax? Qui tanta negotia coelo
Fecit, Bethlemiis vagiit in stabulis.
The Epiphany of our Lord.
Scorning her wonted herald, lo, the Day
Now decks her forehead with a brighter ray.
Sage Persian, haste; ask where high roofs unfold
Their royal wealth of marble and of gold;
In what rich couch an Empress-mother lies;
What halls have heard a new-born Prince's cries.
Wouldst know, sage Persian? He for whom Heaven keeps
Such festival, in Bethlehem's manger weeps. Cl.
XCV.
Ecce quaerebamus te, &c. Luc. ii. 49.
Te quaero misera, et quaero: tu nunc quoque tractas
Res Patris; Pater est unica cura tibi.
Quippe quod ad poenas tantum et tot nomina mortis,
Ad luctum et lacrymas, hei mihi! mater ego.
Lo, we have sought Thee, &c.