Unus erat toto naturæ vultus in orbe,
Quem dixere chaos, rudis, indigestaque moles.
Hanc Deus, et melior litem natura diremit.
Nam cœlo terras, et terras abscidit undis;
Et liquidum spisso secrevit ab aëre cœlum.
Neu regio foret ulla suis animalibus orba;
Astra tenent cœleste solum, formæque deorum;
Cesserunt nitidis habitandæ piscibus undæ:
Terra feras cepit, volucres agitabilis aër.
Sanctius his animal, mentisque capacius altæ